Ак-Ордо конушунда 4 мектеп жана 2 бала бакча курулуу каралган
Бишкек шаарынын Ак-Ордо конушунда буга чейин мектеп болгон эмес. Президент Садыр Жапаровдун тапшырмасы менен конушка 4 мектеп жана 2 бала бакча куруу каралган. Бул тууралуу Курулуш министрлиги кабарлады.
Маалыматка ылайык, сентябрь айында №104 мектептин 750 орундуу биринчи корпусу пайдаланууга берилген. Экинчи корпус ноябрда тапшырылат. Дагы бир мектептин курулушу 95% бүтүп, жакынкы күндөрү пайдаланууга берилет.
Жаңы мектептер бүткөнчө №104 мектепте окуу бир нече нөөмөттө уюштурулууда. Бул убактылуу чара. Мындан тышкары конушта 2 бала бакча курулуп, пайдаланууга берилди.
