Көлбаевдин Бишкектеги батирлери кимге таандык?

Көлбаевдин Бишкектеги батирлери кимге таандык?

Биз буга чейин камакка алуу учурунда өлтүрүлгөн кримавторитет Камчы Асанбекке (Көлбаев) таандык ири мүлктөр документ боюнча кимдерге таандык болгонун жазган элек жана бул Economist.kg басылмасы изилдеген ошол материалдын экинчи бөлүгү. Бишкекте УКМК тарабынан табылган батирлер кимге катталганын редакция тапты жана ал тизмеге Elite House, A Group, Orion сыяктуу курулуш компаниялары кирди.

Раззаков көч., 33/2, 16-батир

Бул батирдин аянты дээрлик 430 чарчы метрди түзөт. Ал борбор калаанын борборунда, Москва көчөсү менен Эркиндик бульварынын кесилишинде жайгашкан. Дал ушул батирди УКМК өзүнүн видеосунда көрсөтүп, ошондой эле аны 800 миң долларга баалаган жана анын бир чарчы метри болжол менен 1861 долларды түзгөн. Ачык булактардан мындай батирдин болжолдуу базар баасын билсе болот, анын чарчы метринин баасы 1740 доллардан башталат. Үйдү "Орион" курулуш компаниясы курган, курулуш компаниясынын башкы директору Куттубай Мурзабаев.

Редакциянын карамагында КРнын Улуттук интеграцияланган кадастрдык системасынан расмий документтер бар. Документтерге ылайык, учурдагы ээси Канышай Камчы, ал Түштүк магистралдагы MOQA кофейнясынын да ээси болуп саналат. Сатып алуу-сатуу келишимине 17-жылдын 2010-майында кол коюлган.

Раззаков көч., 22, 46-батир

УКМК ушул даректеги батирди видеодо Көлбаевдин менчиги катары көрсөткөн. Анын аянты болжол менен 86 чарчы метрди түзөт, ал дагы "алтын квадратта" жайгашкан, ведомство аны болгону 150 миң долларга баалаган, бир чарчы метри 1744 долларды түзөт. Ачык булактардан үйдү салган "А групп" компаниясы экенин аныктадык. Турак жай комплекси "Консул" деп аталат, кыймылсыз мүлк рыногунда мындай батирдин болжолдуу баасы 250 миң доллардан башталат, бул бир чарчы метрине болжол менен 2906 долларды түзөт.

КРнын Улуттук интеграцияланган кадастрдык системасынын документтеринен алынган маалыматка караганда, ээси Кристина Сарачакова болуп, батир үстүбүздөгү жылдын 28-июлунда сатылып алынган.

Эркиндик 9, 10-батир

Бул батир Бишкектин борборунда жайгашкан, аны УКМК да Көлбаевдин менчиги катары көрсөткөн. Ведомство аянты 140.3 чарчы метр болгон батирди 280 миң долларга баалады, тагыраак айтканда, бир чарчысы 1995 долларды түздү. Ошол эле учурда кыймылсыз мүлк рыногунда мындай батирлер 289 миң долларга бааланып, бир чарчы метринин баасы болжол менен 2059 долларды түзөт. Бул батир дагы "А групп" компаниясына караштуу.

Юстиция министрлигинин маалыматы боюнча, "А Групп" курулуш компаниясы Айбек Матиевге, ошондой эле "Ай-Матай" компаниясына таандык. Экөө тең соода менен алектенишет.

КРнын Улуттук интеграцияланган кадастрдык системасынын расмий документтерине ылайык, Эркиндик 9 дарегиндеги батирдин ээси Жаныбек Жуманалиев деп жазылган. Документте сатып алуу-сатуу келишими 2023-жылдын 22-июнунда түзүлгөнү айтылат.

Турусбеков көч., 109/3, 3-батир

Бул мүлк дагы Бишкектин борбордук бөлүгүндө жайгашкан. Курулуш компания Elite House болуп эсептелет. УКМКнын жарыялаган видеосунда активдин баасы 127.5 чарчы метри 172 миң доллар, же 1 чарчы метри 1349 доллар деп бааланууда. Биз кыймылсыз мүлк рыногун талдап чыгып, мындай батирдин болжолдуу баасы чарчы метрине 1393 доллардан башталарын аныктадык.

КРнын Улуттук интеграцияланган кадастрдык системасынын документтеринде батирдин ээси болжолдуу маалыматтарга ылайык, кримавторитеттин апасы Мая Алиева экени айтылат. Сатып алуу-сатуу келишими 2018-жылдын 1-февралында түзүлгөн. Ал ошондой эле жылкы, эшек, качыр, уй багуучу "Асанбек" дыйкан чарбасынын директору. Кошумчалай кетсек, ал "Арал" этно-маданий комплексинин негиздөөчүсү катары көрсөтүлгөн.

Эскерте кетсек, буга чейин укук коргоо кызматкерлери Elite House курулуш компаниясынын негиздөөчүсү Тимур Файзиевди кармашкан. Октябрь райондук сотунун судьясы Файзиевге карата УКМКнын тергөө кызматынын өтүнүчүн канааттандырып, 9-декабрга чейин камакка алуу түрүндөгү баш коргоо чарасын колдонгон.

Чынгыз Айтматов көч., 299/1, 23-батир

Батир борбор калаанын престиждүү аймактарынын биринде – «Киргизия 1", Кытай жана Америка элчиликтеринин жанында жайгашкан. УКМК бул батирдин 119.6 чарчы метрин болгону 130 миң долларга баалаган, бул болжол менен ар бир чарчы 1086 долларды түзөт. Үй болжол менен тогуз жыл мурун курулган, айрым маалыматтар боюнча, анын курулушун жеке жак жүргүзгөн. Ошол эле учурда кыймылсыз мүлк рыногунда мындай батирдин чарчы метринин баасы 1169 доллардан башталат.

Редакциянын карамагында КРын Улуттук интеграцияланган кадастрдык тутумунун расмий документтери бар. Аларга таянсак, 2022-жылдын 30-июнунан бери батирдин ээси Азат Абдраев болуп эсептелет. 

Белгилей кетсек,  SeverMedia басылмасы Көлбаевдин курулуш бизнесинде "көзөмөлчүлөрү" бар, тактап айтканда, ал Алтынбек Ибраимов (лакап аты Алтуха) деп жазган. Басылманын маалыматына караганда, ал курулушчулардын ар бир жаңы үйүнөн чоң аянттагы батирди талап кылып турган. Ага жылына 100гө жакын квартира аргасыз-ыктыярдуу негизде берилип келген.

Басылма Ибраимовго "опузалап пара талап кылуу" жана "баңгизат сактоо" беренелери боюнча айып тагылганын белгилейт. 2017-жылдын 1-августунда Бишкектин Свердлов райондук соту эч кандай далил жок деп таап, "опузалап пара талап кылуу" беренеси боюнча актаган. Ошого карабастан, ал баңгизат сактагандыгы үчүн катуу коопсуздук чаралары менен төрт жылга эркинен ажыратылып, бирок кылмыштын эскирүү мөөнөтү өтүп кеткендигине байланыштуу бошотулган.

Камчы Көлбаевдин мүлкү — документтери кимдерге катталган?
9-октябрда УКМК уюшкан кылмыштуу топтун лидери, ”мыйзамдагы ууру” аталган, 4-октябрда кармоо учурунда атылып өлтүрүлгөн Камчы Көлбаевдин мыйзамсыз мүлкүнүн болжолдуу баасын айтты. Анын байлыгы 1 млрд долларга бааланып, анын ичинде 60тан ашык кымбат баалуу унаалар, Ысык-Көлдөгү, Чүй облусундагы, Бишк…

Read more

«Алтын тамга» артыкчылык аттестат ээлерине «Альянс Алтын» ноутбук тапшырды

«Алтын тамга» артыкчылык аттестат ээлерине «Альянс Алтын» ноутбук тапшырды

«Альянс Алтын», 30-майда президенттин Талас облусундагы ыйгарым укуктуу өкүлчүлүгүндө 2023-2024-окуу жылынын жыйынтыгы менен облус аймагында «Алтын тамга» артыкчылык аттестаттына ээ болгон окуучулар сыйлоо аземи болуп өттү. Бул тууралуу «Альянс Алтын» ишканасынын маалымат кызматы билдирди. Такталгандай, президенттин Талас облусундагы ыйгарым укуктуу өкүлү Нурлан Дарданов, «Альянс Алтын» өнүктүрүү фондунун жетекчиси Баатыр Качкынбаевдин

РКӨФ жана «Альянс Алтын» биргеликте Таластагы долбоорлорду каржылайт

РКӨФ жана «Альянс Алтын» биргеликте Таластагы долбоорлорду каржылайт

Россия-Кыргыз өнүгүү фонду «Альянс Алтын» компаниясы жана ушул эле аталыштагы өнүктүрүү фонду үч тараптуу кызматташуу келишимин түзүштү. Келишим энергиянын кайра жаралуучу булактары, айыл чарба продукциясын кайра иштетүү жана башка негизги багыттарда биргелешип иштөөгө багытталган. Бул кызматташтыктын алкагында РКӨФ жана «Альянс Алтын» өнүгүү фонду Талас облусунда тиешелүү долбоорлорду тандап, экспертизадан өткөрүп,

Шылуундарды  кантип таануу боюнча Улуттук банктын кеңештери

Шылуундарды кантип таануу боюнча Улуттук банктын кеңештери

Акыркы убакта Кыргызстанда банк тармагында алдамчылык фактылары көп катталууда. Кыргызстандыктар социалдык тармактарда, телефон аркылуу же мессенджер аркылуу алданууда. Алдамчылыктын курмандыктары акчасы уурдалгандан кийин гана билишет. Улуттук банктын керектөөчүлөрдүн укугун коргоо бөлүмү Economist.kgге каржы тармагындагы алдамчылыктын түрлөрү тууралуу айтып берди, бул жарандардын сергек болушуна жардам берет. Банк тармагында алдамчылыктын кандай

Экологиялык диалог: «Альянс Алтын» эко долбоорлорду колдоону улантат

Экологиялык диалог: «Альянс Алтын» эко долбоорлорду колдоону улантат

Талас облусунда экологияга өзгөчө көңүл бурулат. Талас шаарында 2024-жылдын 19-апрелинде «Альянс Алтын» компаниясы «Экологиялык диалог: келечекке көз караш» аттуу тегерек стол өткөрдү. Бул тууралуу компаниянын басма сөз кызматы билдирди. Алсак, тегерек столго Талас облусундагы ыйгарым укуктуу өкүлчүлүктүн өкүлдөрү, экологдор, окумуштуулар, студенттер, суу чарба, өзгөчө кырдаалдар, мамлекеттик жана өкмөттүк уюмдардын адистери,