Парламентте МИК турак жайларынын өздүк наркы канча?

Парламентте депутат Нурланбек Азыгалиев сатылып жаткан турак жайлардын өздүк наркына кызыкты. МИКтин жетекчисинин орун басары Нурлан Кудайкуловдун айтымында, турак жайдын бир чарчы метринин өздүк наркы Бишкекте 59 миң 140 сомду, ал эми аймактарда 64 миң 800 сомду түзөт.

Кудайкулов сатуу баасы бир чарчы метр үчүн 900 доллардан 1400 долларга чейин өзгөрөрүн айтты. "Подрядчылар менен эсептешүүдө биз объекттин жалпы аянты үчүн төлөйбүз, ал эми калкка жашоо аянты гана сатылат. Алынган пайда кийинки долбоорлорду каржылоого жумшалат", - деп түшүндүрдү ал.

Министрлер кабинетинин төрагасынын биринчи орун басары Данияр Амангелдиев турак жайдын калькуляциялык наркы менен сатуу баасын айырмалоо керектигин белгиледи.

"Насыялык каражаттарды тейлөөгө кеткен чыгымдар жана пайданы түзүүчү башка факторлор эске алынат. Башында баа 600-700 долларды түзчү, бирок инфляциядан улам көрсөткүчтөр өзгөрдү. Коммерциялык долбоорлордун эсебинен биз төлөө мөөнөтү узун жана пайыздык чендери рыноктук баадан төмөн болгон социалдык жана жеңилдетилген программаларды субсидиялайбыз. Инфляция 9%дын тегерегинде болуп жаткан учурда, турак жай 4% менен берилип жатат", - деп кошумчалады ал.