Кызыл-Октябрь айылдык кеңеши цемент заводуна убактылуу пайдаланууга жер берет

Кызыл-Октябрьский айыл аймагынын айылдык кеңеши ЗетЦемент ЖЧКсына жер тилкелерин лицензиянын мөөнөтүнө чейин убактылуу пайдаланууга берүүгө макулдук берди. Тиешелүү №I/17-69 токтом 2026-жылдын 16-февралында кабыл алынган.

Документке ылайык, "Жел-Арык" карбон чийки зат кенинин "Биринчи" участогунда инфраструктуралык объекттерди куруу үчүн жер тилкелерин бөлүп берүү макулдашылган. Атап айтканда:

• 16,6 гектар — кенди ачуу иштеринен чыккан топурак үймөлөрү үчүн;
• 26,9 гектар — технологиялык жол куруу үчүн.

Бул маселе Кемин районунун мамлекеттик администрациясынын катынын негизинде, ошондой эле өндүрүштүк жана экологиялык коопсуздук жана жер казынасын коргоо боюнча берилген оң эксперттик корутундуларды эске алуу менен каралган.

Токтом Юстиция министрлигине жөнөтүлүп, нормативдик-укуктук актылардын мамлекеттик реестрине киргизилиши керек. Анын аткарылышын көзөмөлдөө Н.А. Сулайманова жетектеген Кызыл-Октябрь айыл өкмөтүнө жүктөлгөн.

Документ айыл өкмөтүнүн расмий сайтында 2026-жылдын 17-февралында жарыяланган.

 ЗетЦемент ЖЧКсынын жетекчиси — Линь Даое. Компаниянын негиздөөчүсү — Шанфэн Зет Цемент ЖЧКсы.