Кыргызстанда ДНК-лабораториялары бар соттук-медициналык экспертиза борбору курулат
Министрлер кабинетинин төрагасы Адылбек Касымалиев Бишкек шаарындагы Республикалык соттук‑медициналык экспертиза борборуна барды МинКаб басма сөз кызматы билдирди.
Ал мекеменин кызматкерлеринин иш шарттары, лабораторияларынын абалы жана инфраструктурасы менен таанышты.
Касымалиевдин айтымында, имарат моралдык жана техникалык жактан эскирген, көп жылдан бери капиталдык оңдоодон өткөрүлгөн эмес жана учурда канааттандырарлык эмес абалда турат.
Министрлер кабинетинин башчысы жаңы имараттын долбоорун иштеп чыгууну жана керектүү жабдуулардын тизмесин түзүүнү тапшырды. Аларга заманбап көп катмарлуу муздаткыч жабдуулардан тартып ДНК-тест жүргүзүүчү лабораториялык комплекстерге чейин кириши керек.
Долбоорго ошондой эле каржылык эсептөөлөр жана иштердин план-графиги тиркелиши керек. Анда иштер баштапкы жана келечектеги этаптарга бөлүнүшү зарыл.
