Быйыл Бишкекте 2 парк реконструкцияланат

Бишкекте 2026-жылы эки парк реконструкцияланарын бүгүн Жогорку Кеңештин Агрардык саясат, суу ресурстары, жер казынасын пайдалануу, экология жана айлана-чөйрөнү коргоо боюнча комитетинин жыйынында Бишкек шаарынын вице-мэри Рамиз Алиев билдирди.

Анын айтымында, реконструкциялана турган парктар — Тоголок Молдо жана Эркиндик парктары.

"Ошондой эле Жаш Гвардия бульвары да реконструкцияланат. Шаарда жалпы 12 парк жана 52 сквер бар. Биз аларды этап-этабы менен реконструкциялайбыз", — деди Рамиз Алиев.

Бир катар депутаттар парктардын абалына канааттанбастыгын билдирип, дарактардын отургузулушу жана кармоо иштерине, ошондой эле жашылдандыруу маселелерине комплекстүү мамиле кылууну сунушташты.