Караколдо дарыгерлер менен мугалимдерге 700дөн ашык батир берилет

Мелис Совет уулу

26 мар. 2026 18:48

Президенттин жеткиликтүү турак жай менен камсыз кылуу программасынын алкагында Каракол шаарында 700дөн ашык батирди ушул жайда дарыгерлер, мугалимдер жана маданият кызматкерлери алышарын шаар мэриясынын басма сөз кызматы билдирди.

Маалыматка ылайык, жакынкы күндөрү тургундарга 300дөн ашык батир берилет, ал эми жай мезгилинде дагы 400 батирди тапшыруу пландалууда. Турак жайларды пайдаланууга берүү иштери күзүндө да улантылат.

Белгиленгендей, курулуш иштер графикке ылайык жана сапат стандарттарын сактоо менен жүргүзүлүүдө.

Мындан тышкары, 1-апрелден тартып медицина, билим берүү жана маданият тармагындагы кызматкерлердин айлык маяналары жогорулатылары каралган. Бул алардын мотивациясын жогорулатып, социалдык тармакты колдоону күчөтөт.

МИК мэриянын маалыматына тактоо киргизди

Белгилей кетсек, Мамлекеттик ипотекалык компания шаар мэриясы тараткан маалыматты так эмес деп атап, долбоордун этаптары боюнча жаңыланган маалыматтарды берди.

МИКтин маалыматына ылайык, биринчи этаптын алкагында Каракол шаарында өткөн жылы 420 батир берилген. Учурда Хан-Теңири кичи районунда экинчи этапка даярдык жүрүп жатат — быйылкы жай мезгилинде болжол менен 400 батирди өткөрүп берүү пландалууда.

Үчүнчү этаптын алкагында, компаниянын маалыматы боюнча, болжол менен 1 миң батир берүү каралган. Турак жайларды өткөрүп берүү курулуш иштери аяктаган сайын этап-этабы менен жүргүзүлөт.

Мындан тышкары окуңуз

Салык карызынын 97%ы эсептен чыгарылат: кимдерге жеңилдик берилди?

Кыргызстанда айрым салык төлөөчүлөргө салык карыздарын, туум жана санкцияларды эсептен чыгарууга мүмкүнчүлүк берген жаңы мыйзам кабыл алынды. Бирок жеңилдиктер автоматтык түрдө колдонулбайт, мыйзамда белгиленген шарттарды аткаруу талап кылынат. Салык кызматынын басма сөз кызматы маалымдагандай, мал экспорттоочулардын 2026-жылдын 1-январына чейинки салык карызынын 97%ы, ошондой эле туум жана санкциялардын

Кыргызстан менен Швейцария эл аралык автоташуулар боюнча келишимге кол койду

Кыргызстан менен Швейцариянын ортосунда жүргүнчүлөрдү жана жүктөрдү автомобиль транспорту менен эл аралык ташуу боюнча Өкмөттөр аралык келишимге кол коюлду. Бул тууралуу Транспорт жана коммуникациялар министрлигинин маалымат кызматы билдирди. Бүгүн транспорт жана коммуникациялар министри Талантбек Солтобаев Швейцариянын Кыргызстандагы Атайын жана Ыйгарым укуктуу Элчиси Сироко Мессерли менен жолугушту. Тараптар эки өлкөнүн ортосундагы

Баткенде күз-кышка даярдык: калкка 101 миң тонна көмүр талап кылынат

Президенттин Баткен облусундагы ыйгарым укуктуу өкүлү Мамыржан Рахимов күз-кышка даярдык көрүү боюнча буйругу кабыл алынып, облустук штабдын курамы жана иш-чаралар планы бекитилди. Аймактык өкүлчүлүктүн басма сөз кызматы билдиргендей, жыйында калкты көмүр менен камсыз кылуу, түйүндөрдү ачуу, баасын туруктуу кармоо, ошондой эле электр жарыгы жана жылуулук менен үзгүлтүксүз камсыз

Таласта 11,9 млн сомдук долбоордун алкагында жабык дренаж курулууда

Талас шаарындагы Тагайбаев көчөсүндө жалпы узундугу 1377 метр болгон жабык дренаж системасын куруу иштери башталды. Бул тууралуу ӨКМдин Талас облусу боюнча башкармалыгынан билдиришти. Маалыматка ылайык, долбоордун жалпы сметалык баасы 11 млн 899 миң 720 сомду түзөт. Учурда 600 метр аралыкта казуу иштери жүргүзүлүп, бардык иш-аракеттер белгиленген тартип боюнча уланууда.