Жаш Гвардия бульварын көрктөндүрүүгө 354,5 млн сом бөлүнөт

Бишкек шаарынын мэриясына караштуу Капиталдык курулуш башкармалыгы Жаш Гвардия бульварын Жибек Жолу проспектисинен Жоомарт Бөкөнбаев көчөсүнө чейин көрктөндүрүү боюнча тендер жарыялады.

Мамлекеттик сатып алуулар порталындагы маалыматка ылайык, бул иштерге 354 млн 554 миң 196 сом бөлүү пландалууда.

Тендердик арыздар 2026-жылдын 30-апрелинде саат 17:00гө чейин кабыл алынат.

Бульварды көрктөндүрүү иштери 2026-жылдын 31-августуна чейин бүткөрүлүшү керек.