Мага алдамчылар мэрдин атынан акча которууну суранып жазышкан – Ж.Чуштуков
Аким Жолдошбек Чуштуков бүгүн Октябрь районунун тургундарынын алдында чыгып сүйлөп, интернет-алдамчыларга алданбоо үчүн этият болууга чакырды.
Анын айтымында, акыркы убакта телефон аркылуу чалып, банк карталарынын коддорун сураган учурлар көбөйдү.
"Мага да чалышкан, анан калса бир нече жолу. Айрым учурларда WhatsApp аркылуу биздин вице-мэрлердин же мэрдин атынан жазып, шашылыш акча которууну суранышкан. Мен өзүм да буга күбө болгом: карасаң, вице-мэр жазып жаткандай көрүнөт — сүрөтү, аты-жөнү туура, бирок номер менде сакталган эмес. Кийин бул алдамчылык экени аныкталган", — деди Чуштуков.
Аким жарандарды мындай учурларда милицияга кайрылууга чакырды. Ошондой эле улуу муундагы адамдарды маалыматты текшерип, ишенбөөгө үндөдү.
