Кыргызстан былтыр сырттан 139 065 унаа импорттогон
2025-жылдын январь — декабрь айларында Кыргызстан 139 065 жеңил автоунааны импорттоп, ага 1 млрд 78,6 млн доллар жумшаганын Кыргызстандын Улуттук статистика комитетинин анализинен көрүүгө болот.
Мамлекетке 2024-жылга салыштырмалуу 1 967 жеңил автоунаа аз алынып келген. Баалык эсепте импорт 38,1%га төмөндөгөн.
Негизинен автоунаалар 2025-жылы төмөнкү өлкөлөрдөн алынып келген: Түштүк Кореядан — 58 920, Кытайдан — 49 497, АКШдан — 9 792, Япониядан — 4 869 жана Россиядан — 4 036 автоунаа.
Белгилей кетсек, 2024-жылы Кыргызстан 141 032 жеңил автоунааны импорттоп, жалпы суммасы 1,7 миллиард доллардан ашкан.
