Транспорт

МКУ жыл башынан бери 325 жаранга ОСАГО боюнча 33 млн сом төлөп берди

Мелис Совет уулу

25 февр. 2026 12:57

2026-жылдын башынан бери Мамлекеттик камсыздандыруу уюму(МКУ) унаа ээлеринин жарандык жоопкерчилигин милдеттүү камсыздандыруу (ОСАГО) боюнча 325 жаранга 33 млн сомдон ашык каражат төлөп бергенин "Биринчи радио" эфиринде камсыздандыруу жана кайра камсыздандыруу департаментинин директору Актан Турумбеков билдирди.

Анын айтымында:

2024-жылы 48 автоунаа ээси 4,3 млн сом төлөм алган;
2025-жылы 901 учур жөнгө салынып, 86,5 млн сом төлөнгөн.

2024-жылы МКУ болжол менен 74 миң ОСАГО полисин түзгөн, ал эми 2025-жылы бул көрсөткүч 350 миңден ашкан.

"2026-жылдын 1-январынан тарта полистердин саны 18 миңден ашты. Бул камсыздандыруу түрү жарандардын жашоосуна бекем киргенин көрсөтөт. Айрымдар айып пулдан качуу үчүн гана алса, көпчүлүк жарандар мүмкүн болуучу тобокелчиликтерден коргонуу үчүн аң-сезимдүү түрдө келишим түзүүдө", — деди Актан Турумбеков.

Эфирде айтылгандай, Кыргызстанда 1,7 миллиондон ашык автоунаа катталган. Алардын жарымынан көбү ОСАГО полисине ээ.

ОСАГО — бул транспорт каражаттарынын ээлеринин жарандык жоопкерчилигин милдеттүү камсыздандыруу. Ал жол кырсыгынын натыйжасында үчүнчү жактарга келтирилген зыянды жабууга багытталган. ОСАГО полиси жок жеке жактар үчүн айып пулдар 2025-жылдын 1-июлунан тарта күчүнө кирген жана 3 миң сомду түзөт. Юридикалык жактар үчүн айып пул 13 миң сом өлчөмүндө белгиленген.

Мындан тышкары окуңуз

“Манас” аба майданына барчу жолдун жээгиндеги теректер кыйылууда

“Манас” эл аралык аба майданына барчу жолду оңдоп-түзөө иштеринин алкагында 650 карагай жана 20 туя көчөттөрү отургузулду. Бул тууралуу “Кыргызстандын аэропорттору” ишканасынан билдирди. Компаниянын маалыматында, долбоор ишке ашкан сайын бак-дарактарды көчүрүү иштери улантылат жана мындан ары бак-дарактарды кыюу пландалбаганын такташты. Компания жолду оңдоо иштери Бишкек шаардык мэриясы

Баатыр энелерге берилчү төлөмдү 5 миң сомго жеткирүү каралууда

Баатыр энелерге ай сайын берилүүчү кошумча төлөмдү 5000 сомго жеткирүү сунушталууда. Бул тууралуу Жогорку Кеңештин төрагасы Марлен Маматалиев журналисттер үчүн өткөн маалымат жыйынында билдирди. Анын айтымында, тиешелүү мыйзам долбоорунун алкагында баатыр энелерге төлөмдөрү бирдей суммада болот. Учурда пенсия курагындагы баатыр энелер 1000 сом, ал эми жөлөк пул алгандар 3000 сом

2025-жылы Кыргызстанда QR төлөмдөрүнүн көлөмү 900 млрд сомдон ашкан

Кыргызстанда накталай эмес төлөмдөрдүн үлүшү өсүп, QR-код аркылуу жүргүзүлгөн операциялардын саны жана көлөмү рекорддук көрсөткүчтөргө жеткен. Бул тууралуу Улуттук банктын 2025-жылдагы ишинин жыйынтыгы боюнча маалыматта белгиленген. Билдирүүлөргө караганда, былтыркы жылы 2024-жылга салыштырмалуу QR-код аркылуу жүргүзүлгөн акча которуулардын саны 8,1 эсеге көбөйүп, 525,1 млн операцияны

Жогорку Кеңештин депутаттары каникулга тарады

25-июнда Жогорку Кеңештин VIII чакырылышынын биринчи сессиясы жыйынтыкталды. Жыйын Кыргызстандын гимни менен аяктады. Баш мыйзамдын 83-беренесине, Жогорку Кеңештин Регламентинин 32-беренесине ылайык, парламенттин сессиялары жыйналыш түрүндө өтөт жана сентябрдын биринчи жумушчу күнүнөн тартып келерки жылдын июнунун акыркы жумушчу күнүнө чейин уланат. Парламент төрагасы Марлен Маматалиев билдиргендей, сессиянын жүрүшүндө