МинКаб Нарын дарыясында көпүрө куруу боюнча JICA грантына корутундуну жактырды

МинКаб Нарын дарыясында көпүрө куруу боюнча JICA грантына корутундуну жактырды

МинКаб 2026-жылдын 21-февралындагы №101-р тескемеси менен Япония өкмөтү менен Минкабдын ноталарды алмашуу боюнча жана  "Транскаспий эл аралык транспорттук каттамы менен байланыштуулукту жакшыртууга багытталган "Бишкек—Ош" автоунаа жолундагы көпүрөнү реконструкциялоо" долбоору боюнча JICA менен түзүлгөн гранттык макулдашуу корутундусун жактырды.

Макулдашуулар 2025-жылдын 12-декабрында Бишкек шаарында кол коюлган. Долбоорду ишке ашырууга жооптуу орган болуп Транспорт министрлиги аныкталды. Корутунду Жогорку Кеңешке жөнөтүлөт.

Документке ылайык, долбоор Нарын дарыясынын үстүнөн узундугу 210 метр болгон заманбап көпүрө курууну карайт. Объект Токтогул районунун "Бишкек—Ош" жолунун 315-чакырымында салынат. Ал 1964-жылы курулуп, көтөрүмдүүлүк жөндөмүн дээрлик жоготкон эски көпүрөнүн ордуна тургузулат.
Гранттык макулдашууга ылайык, Япония өкмөтү 3 млрд 190 млн япон иенасын (базардык курс боюнча 20 млн 400,9 миң доллар) грант катары берет.
МинКабдын кош каржылоосу 113,2 миң долларды (Улуттук банктын курсунда 9,9 млн сом) түзөт.

Корутундуда алмашуу ноталарын жана гранттык макулдашууну ратификациялоо республикалык бюджеттен кошумча чыгымдарды талап кылбай турганы, каралган кошо каржылоодон тышкары, терс социалдык-экономикалык же башка кесепеттерге алып келбей турганы белгиленет.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Кыргызстан менен Пакистан товар жүгүртүүнүн көлөмүн көбөйтүү боюнча талкуулашты

Бишкектеги бир катар үйлөрдө жылуулук жана ысык суу өчүрүлдү

Өлкөдө асыл тукум статусуна ээ болгон чарбаларга мониторинг жүргүзүлөт

2027-жылы республикалык бюджеттин көлөмү 1 трлн сомдон ашат

Аңчылыктын аякташына 1 айга жетпеген убакыт калды