Транспорт

Чет өлкөлүк номерлүү, мыйзамсыз унаалар сыртка чыгарылат же утилдештирилет

Мелис Совет уулу

Чет өлкөлүк номерлүү, мыйзамсыз унаалар сыртка чыгарылат же утилдештирилет

Кыргызстанда чет өлкөлүк мамлекеттик номерлери бар, легалдаштыруудан өтпөгөн автоунааларды жөнгө салуу боюнча президенттин жарлыгынын долбоору коомдук талкууга чыгарылды.

Документке ылайык, мындай унаалардын ээлерине 2026-жылдын 1-майына чейин алардын кийинки тагдырын өз ыктыяры менен чечүү үчүн мөөнөт берилет. Тактап айтканда, автоунааны өлкөдөн чыгарып кетүү, тетиктерге сатуу же утилдештирүү каралган.

Эгерде белгиленген мөөнөттө талаптар аткарылбаса, автоунаалар мажбурлап атайын токтотуучу жайларга киргизилип, андан соң утилдештирилет.

Ички иштер министрлигине мындай унааларды ээлерине милдеттенме алуу менен кайра берүү, ошондой эле айып токтотуучу жайларда сактоо баасын суткасына 50 сомго чейин төмөндөтүү сунушталды.

Мамлекеттик чек ара кызматына автоунааларды өлкөдөн тоскоолдуксуз чыгарып кетүүнү камсыз кылуу тапшырылат. Мындан тышкары, чет өлкөлүк номерлүү автоунаалардын өлкөгө кирүүсүн мамлекеттик маалымат системаларында милдеттүү түрдө каттоо жана ээсине тастыктоочу документ берүү пландалып жатат.

Жаңылыктар биздин Телеграмм каналда

Мындан тышкары окуңуз

Бишкектеги 14 кабаттуу үйдүн курулушунда мыйзам бузуу аныкталды

Бишкектеги 14 кабаттуу үйдүн курулушунда мыйзам бузуу аныкталды

Курулуш министрлигине караштуу Мамлекеттик архитектура-курулуш контролдоо департаментинин адистери тарабынан борбор калаадагы курулуш объектилерине туруктуу негизде көзөмөл жүргүзүлүүдө. Ведомствонун маалыматына ылайык, көзөмөл иш-чараларынын алкагында Бишкек шаарынын Севастопольская көчөсү, 7 дарегинде жайгашкан 14 кабаттуу турак жайдын курулушунда бир катар мыйзам бузуулар аныкталды. Тактап айтканда, турак жайдын 1-блогунун 7-кабатында
Ошто 35,5 млн сомго "Исанов” көмөк чордону курулат

Ошто 35,5 млн сомго "Исанов” көмөк чордону курулат

Ош облусунда “Исанов” көмөк чордону курулуп, ал жогорку чыңалуудагы электр берүү линиялары аркылуу өлкөнүн электр тармагына кошулат. Долбоор Кыргызстандын энергетикалык инфраструктурасын чыңдоого жана кайра жаралуучу энергия булактарын электр системасына интеграциялоого багытталган. Бул тууралуу Энергетика министрлигинен билдиришти. Маалыматка ылайык, “Исанов” көмөк чордону “Кыргыз Республикасында кайра жаралуучу энергетиканы өнүктүрүү”долбоорунун биринчи фазасынын
ШКУ саммитине байланыштуу бир нече көчөлөр жабылат

ШКУ саммитине байланыштуу бир нече көчөлөр жабылат

30-августтан 6-сентябрга чейин Бишкек, Чүй жана Ысык-Көлдө жол кыймылына убактылуу чектөөлөр киргизилет. Бишкек шаардык мэриясынын маалыматына ылайык, жол кыймылына төмөнкү жолдордо чектөөлөр киргизилет: “Манас” эл аралык аба майданынан баштап Васильев тракты, Ю. Фучик көчөсү, Чүй, Манас жана Ч. Айтматов проспектилери, Ж. Абдрахманов, Байтик баатыр, А. Масалиев, Жайыл
Жайыт жерлерин унаа менен тепселегендерге карата айып пул салынды

Жайыт жерлерин унаа менен тепселегендерге карата айып пул салынды

Жаратылыш ресурстары министрлигине караштуу Экологиялык жана техникалык көзөмөл кызматынын кызматкерлери Аламүдүн РИИБдин кызматкерлери менен биргеликте Аламүдүн районуна караштуу Кашка-Суу аймагындагы Ак-Таш жайлоосунда рейддик иш-чара өткөрүштү. Экологиялык жана техникалык көзөмөл кызматынынмаалыматына караганда, рейддин жүрүшүндө айрым жарандардын автоунаалары менен жайыт жерлерин тепселеп, өсүмдүктөргө жана жаратылышка зыян келтирген фактылары аныкталды.