Бишкек – Нарын – Торугарт жолунун айрым бөлүктөрү оңдолуп жатат
Өлкө аймагындагы унаа жолдордун абалын жакшыртуу максатында чарбалык иштер үзгүлтүксүз жүргүзүлүп жатат.
Транспорт жана коммуникациялар министрлигинен билдиришкендей, бүгүнкү күнгө карата Бишкек – Торугарт унаа жолунун 9-чакырымында, Новопокровка айылынын аймагында 1 300 чарчы метр аянтка асфальт төшөлүп жатат.
Ушул эле жолдун 12-чакырымында сол тараптагы 1000 чарчы метр чөккөн же көөп чыккан жерлери кайрадан сыйрылып, оңдолуууда.
Ошондой эле Бишкек – Нарын – Торугарт унаа жолунун 536-544-чакырымдарынын аралыгы реконструкцияланып жатат.
Ал эми Чоң-Дөбө – Лама унаа жолунун 6,8-8,8 чакырым аралыгында экинчи тилкеге асфальт төшөлүп жатат. Бүгүнкү күнгө карата жалпысынан 7 200 чарчы метр аянтка асфальт басылды.
