Бишкек шаарынын Ленин районунда 110,5 млн сомго жолдор оңдолот
Бишкек шаарынын мэриясынын Ленин административдик району боюнча муниципалдык администрациясы райондогу бир нече көчөнү капиталдык оңдоого тендер жарыялады.
Мамлекеттик сатып алуулар порталындагы жарыяга ылайык, сатып алуу ыкмасы — чектөөсүз. Пландалган жумуштардын жалпы суммасы 110 млн 482 миң 671 сомду түзөт.
Арыздар 2026-жылдын 14-майы саат 16:05ке чейин кабыл алынат.
Төмөнкү лоттор коюлган:
- Арча-Бешик көчөсүн Жайыл Баатыр проспектисинен Күйүков көчөсүнө чейин оңдоо — 51 млн 795 миң 421 сом;
- Өмүр көчөсүн Кырк-Кыз көчөсүнөн Ай көчөсүнө чейин оңдоо — 3 млн 954 миң 515 сом;
- Краснодарская көчөсүн Б.Алыкулов көчөсүнөн Тирапольская көчөсүнө чейин оңдоо — 26 млн 729 миң 86 сом;
- Бердибаев көчөсүн Асылкеч көчөсүнөн Арча-Бешик көчөсүнө чейин оңдоо — 28 млн 3 миң 649 сом.
