Ошто Рахманов жана Беш-Капа көчөлөрү жабылат

Ошто У. Рахманов жана Беш-Капа көчөлөрү убактылуу жабылат. Бул тууралуу Ош шаардык мэриясынан билдиришти.

Маалыматка караганда, У. Рахманов көчөсүндө узундугу 1200 метрди түзгөн төрт тилкелүү жолго асфальт төшөө иштери жүргүзүлүп жаткандыгына байланыштуу, 7-июлдан тартып У. Рахманов жана Беш-Капа көчөлөрү автотранспорт кыймылы үчүн убактылуу жабылат.

Ош шаардык мэриясы келтирилген убактылуу ыңгайсыздыктар үчүн түшүнүү менен мамиле кылууну өтүнөт. Маршруттарды алдын ала пландап, мүмкүн болушунча альтернативдүү көчөлөрдү пайдаланууну суранат.