Түштүк магистралынын Шопоковго чейинки тилкеси качан ачылат?
Күн мурун Президенттин өзгөчө тапшырмалар боюнча атайын өкүлү Бакыт Төрөбаев Чүй облусунун Шопоков шаарында Түштүк магистралын шаарга чейин узартуу боюнча курулуп жаткан жол тилкесиндеги иштердин жүрүшүн жеринен көрүп чыкты. Бул тууралуу Өкмөттүн Басма сөз кызматынан бщлдиришти.
Долбоор Президент Садыр Жапаровдун тапшырмасынын негизинде ишке ашырылууда. Учурда курулуш иштери белгиленген графикке ылайык жүрүп жатат. Объектти ушул жылдын август айынын аягына чейин пайдаланууга берүү пландалууда.
Жеринде өткөн жумушчу кеңешменин жүрүшүндө Бакыт Төрөбаев курулуш иштеринин жогорку сапатта жана белгиленген мөөнөттө бүткөрүлүшү маанилүү экенин белгиледи.
Анын айтымында, долбоор ишке ашкандан кийин транспорттук байланыш жакшырып, учурдагы жол тармагына түшкөн жүк азаят. Мындан сырткары, Чүй облусунун тургундары үчүн коопсуз жана ыңгайлуу жол инфраструктурасы түзүлөт.
