Суусамыр – Талас – Тараз жолунун курулушу жеринде текшерилди
Транспорт жана коммуникациялар министринин биринчи орун басары Тариэль Жаныбеков Талас облусуна болгон иш сапарынын алкагында аймактагы жол чарба ишканаларынын жетекчилери менен көчмө жыйын өткөрдү.
Министрликтин маалыматына ылайык, жыйында жолдорду өз убагында оңдоо жана күтүү, курулуш иштеринин сапатын камсыз кылуу, белгиленген мөөнөттөрдү сактоо жана атайын техникаларды натыйжалуу пайдалануу маселелери талкууланды. Жыйындын жыйынтыгында тиешелүү жетекчилерге бир катар тапшырмалар берилип, алардын аткарылышын өзгөчө көзөмөлгө алуу милдети коюлду.
Иш сапардын жүрүшүндө Тариэль Жаныбеков Суусамыр – Талас – Тараз унаа жолунун 91,7-чакырымындагы реконструкциялоо иштеринин жүрүшү менен жеринен таанышып, курулуштун сапатын жана темпин күчөтүү боюнча тапшырма берди.
Мындан тышкары, Чолпонбай айылына алып баруучу унаа жолунун курулушу да текшерилип, долбоорду белгиленген мөөнөттө жана сапаттуу бүтүрүү боюнча жооптуу тараптарга конкреттүү көрсөтмөлөр берилди.
Министрлик өлкөдөгү стратегиялык мааниге ээ жол долбоорлорунун аткарылышын туруктуу көзөмөлдөп, жол инфраструктурасын өнүктүрүү иштерин улантарын белгиледи.
