"Түндүк–Түштүк" унаа жолунун Сары-Булуң тилкеси түнкүсүн жабылат

Үстүбүздөгү жылдын жай-күз мезгилинде "Түндүк–Түштүк" альтернативдүү унаа жолунун Нарын облусунун Жумгал районундагы Сары-Булуң тилкесинде түнкү убакытта унаалардын кыймылына убактылуу чектөө киргизилди.

Президенттин Ош облусундагы ыйгарым укуктуу өкүлүнүн басма сөз кызматынын маалыматына ылайык, аталган тилке күн сайын кечки саат 20:00дөн эртең мененки 06:00гө чейин жабык болот.

Маалыматта белгиленгендей, чектөө жарандардын коопсуздугун камсыз кылуу максатында киргизилген.

Буга байланыштуу Ош облусунан Ысык-Көлгө жол тартууну пландап жаткан жарандарга каттамын алдын ала пландаштырып, жолдун жабылуу убактысын эске алуу сунушталды.