Банктар

Улуттук банк SupTech технологияларын 2031-жылга чейин өнүктүрөт

Ишкер Media

16 сент. 2026 16:15

Кыргызстандын Улуттук банкы көзөмөл технологияларын (SupTech) 2026–2031-жылдарга өнүктүрүү концепциясын жана аны ишке ашыруу боюнча жол картасын бекитти. Бул тууралуу Улуттук банктын басма сөз кызматынан кабарлашты.

Улуттук банктын маалыматына ылайык, мындай программалар дүйнөнүн 140 өлкөсүнүн финансылык жөнгө салуучу органдарында ишке ашырылып жатат жана жөнгө салуу практикасын өнүктүрүүнүн жалпыга бирдей кабыл алынган стандарты болуп калды.

SupTech (Supervisory Technology) — жасалма интеллект, машиналык окутуу жана чоң маалыматтарга негизделген процесстерди автоматташтыруу жана санарип инструменттерди киргизүү боюнча бир катар демилгелерден турган долбоорлор программасы.

Кыргызстанда программа маалыматтарды чогултуу жана талдоо мүмкүнчүлүктөрүн кеңейтүүнү, санариптик инструменттерди киргизүүнү, электрондук лицензиялоону, процесстерди автоматташтырууну жана маалыматтарды башкаруунун корпоративдик системасын түзүүнү камтыйт. Ошондой эле кызматкерлердин санариптик компетенцияларын өнүктүрүү жана кибертуруктуулукту күчөтүү каралган.

Билдирүүгө караганда, программа өзгөчө банк сектору үчүн маанилүү. Санариптик инструменттерди киргизүү банктардын Улуттук банк менен лицензиялоо, көзөмөл жана кылмыштуу кирешелерди легалдаштырууга (адалдоого) жана терроризмди каржылоого каршы аракеттенүү талаптарын сактоо боюнча өз ара иштешүүсүн тездетүүгө багытталат.

Мындан тышкары, бирдиктүү санариптик стандарттарды киргизүү көзөмөлдөнүүчү уюмдардын маалыматтык системаларын Улуттук банктын инфраструктурасы менен интеграциялоону жеңилдетет.

Мындан тышкары окуңуз

"Росатом" экологиялык мурасты жоюуга кандайча жардам берерин айтып берди

"Росатом" КРнын ӨКМ менен биргеликте мурдагы "Кристалл" заводунун аймагын коопсуз абалга келтирүү үчүн россиялык инженердик жана экологиялык технологияларды колдонот. Кыргыз Республикасынын Таш-Көмүр шаарында "Кристалл" заводунун аймагында алдыда аткарыла турган иштерге арналган маалыматтык жолугушуу өтүп, ага жергиликтүү тургундар, коомдук жана эксперттик коомчулуктун өкүлдөрү катышышты.

Садыр Жапаров Сеулда бизнес-саммитке катышты

Өлкө башысы Садыр Жапаров бүгүн Сеул шаарында өткөн "Борбордук Азия - Корея Республикасы" биринчи саммитинин алкагындагы бизнес-саммиттин атайын сессиясына катышты. Бул тууралуу президенттин администрациясы билдирди. Мамлекет башчысы Кыргызстан менен Кореянын экономикалык өнөктөштүгүн конкреттүү долбоорлор аркылуу кеңейтүүгө чакырып, энергетика, транспорт, өнөр жай, туризм, агроөнөр жай жана санариптик технологияларды артыкчылыктуу

Балыкчыда "Дипломат" мектеби 50 млн сомго кеңейтилет

Балыкчы шаарындагы "Дипломат" мектебин кеңейтүү үчүн 50 млн сомдук каржылоо боюнча келишимге кол коюлду. Бул тууралуу Орус-кыргыз өнүктүрүү фонду билдирди. Маалыматка ылайык, долбоордун алкагында 150 окуучуга ылайыкталган жаңы эки кабаттуу окуу корпусу жана жабык спорт зал курулат. Жаңы имараттын аянты 750 чарчы метрден ашат. "Дипломат"

“Биз эл менен» кайрымдуулук фонду элди алдап келгени айтылууда

Ички иштер министрлигине Бишкек шаарында жана өлкөнүн башка аймактарында өздөрүн кайрымдуулук уюмдарынын ыктыярчылары катары тааныштырып, коомдук жайларда, анын ичинде мечиттердин жанында жана жол жээктеринде жарандардан акча каражаттарын чогулткан адамдардын мыйзамсыз аракеттери тууралуу ыкчам маалымат келип түшкөн. Ыкчам-издөө иш-чараларынын жүрүшүндө 2019-жылдан бери иш алып барган «Биз эл менен»