Валюта рыногында мыйзамсыз аракеттенген оюнчуларга айып пул салынды
Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн Улуттук банк чара колдонууга барды.
Жөнгө салуучунун маалыматына ылайык, Бишкек шаарындагы 4 алмашуу бюросу мыйзам бузгандыктан, ар бирине 55 000 сом өлчөмүндө айып пул салынды.
Мындан сырткары, Бишкек шаарында Улуттук банктын лицензиясы жок накталай чет өлкө валютасы менен алмашуу операцияларын жүргүзгөндүгү үчүн 3 жаранга да айып пул тагылган. Билдирүүгө караганда, Ж.у.Б., Ж.И.Ж., М.М.М атту жарандардын ар бирине - 17 500 сомдон айып пул салынды.
Улуттук банктын маалыматы боюнча, 2026-жылдын 9-сентябрына карата өлкөдө лицензиянын негизинде иш алып барган 897 алмашуу бюросу бар. Чет өлкө валютасын сатып алуу жана сатуу боюнча операцияларды жүргүзүүгө ушул расмий лицензияланган алмашуу бюролору гана укуктуу.
Андыктан борбордук банк жарандарды валюта алмаштырууда лицензиясы бар расмий алмашуу жайларынын кызматынан пайдаланууга чакырып, мыйзамсыз валюта алмаштыруу ишмердүүлүгү үчүн жоопкерчилик караларын эскертүүдө.
