Улуттук банк борбордук банктардын региондук тегерек столуна катышты
18-сентябрда Улуттук банктын төрагасынын орун басары Медет Таиров Грузиянын Тбилиси шаарында өткөн борбордук банктардын жетекчилеринин биринчи региондук тегерек столуна катышты. Бул тууралуу Улуттук банк билдирди.
Маалыматка ылайык, иш-чара Грузиянын Улуттук банкы тарабынан J.P. Morgan банкы менен биргеликте уюштурулган.
Жыйында регионалдык макроэкономикалык абал, акча-кредит саясаты, геосаясий шартта активдерди жана эл аралык резервдерди башкаруу, жергиликтүү капитал рынокторун өнүктүрүү маселелери талкууланды.
Ошондой эле борбордук банктардын өкүлдөрү глобалдык экономикалык тенденциялар боюнча пикир алмашып, баа жана финансылык туруктуулукту камсыздоо тажрыйбасы менен бөлүштү.
