Улуттук банк эл аралык HR-тренинг ретритин өткөрдү
Улуттук банк 15-17-сентябрда "Кызматкерлерди окутууда жана кесиптик өнүктүрүүдө HR ролу" темасында эл аралык көчмө HR-тренинг ретритин уюштурду. Бул тууралуу мекеменин басма сөз кызматы кабарлады.
Маалыматка ылайык, иш-чарага Германиянын Deutsche Bundesbank, Венгриянын Magyar Nemzeti Bank борбордук банктарынын, ошондой эле Грузия, Азербайжан жана Армениянын борбордук банктарынын өкүлдөрү катышты.
Катышуучулар кызматкерлерди окутуу тажрыйбасы, учурдагы көйгөйлөр жана аларды чечүү жолдору боюнча пикир алмашты. Ошондой эле эл аралык кызматташтыкты өнүктүрүү маселелери талкууланып, келечектеги кызматташуунун багыттары аныкталды.
