Бишкекте лицензиясыз валюта алмаштырган төрт жаранга айып пул салынды
Бишкек шаарында Кыргыз Республикасынын Улуттук банкынын лицензиясы жок накталай чет өлкө валютасы менен акча алмашуу операцияларын жүргүзгөн төрт жаранга айып пул салынды. Бул тууралуу Улуттук банктан маалымдашты.
Маалыматка ылайык, А.Н.Р., А.у.А., Е.Б.К. жана Ш.Н.К. аттуу жарандардын ар бирине 17 500 сомдон айып пул салынган. Жалпы салынган айып пулдун суммасы 70 миң сомду түздү.
Улуттук банктын лицензиясы жок валюта алмаштыруу операцияларын жүргүзүүгө мыйзамдарда тыюу салынат.
