BAKAIдан “Жылуу үй”: баасы жеткиликтүү жана энергияны үнөмдөөчү турак жай үчүн жеңилдетилген насыялоо

BAKAI ESG багытын өнүктүрүүнү улантып, Бишкек шаарындагы жана ага жакын райондордогу жеке үйлөрдүн жашоочуларына арналган “Жылуу үй” жеңилдетилген каржылоо программасы боюнча пайыздык ченди төмөндөттү. Эми жылытуу жана абанын сапатын жакшыртуу үчүн энергияны үнөмдөөчү заманбап чечимдер жылдык 6% чен менен мурдагыдан да жеткиликтүү болууда.

Бул программа BAKAI Банкы Кыргыз Республикасынын Каржы министрлиги менен биргеликте ишке ашырып жаткан "Абанын сапатын жакшыртуу" ESG-долбоорунун алкагында жеңилдетилген насыялоо аркылуу жүзөгө ашырылат.

 “Жылуу үй” деген эмне?

 “Жылуу үй” - өз үйүн ыңгайлуу, энергияны үнөмдөөчү жана экологиялык жактан таза кылууну каалаган жашоочуларды колдоого багытталган программа. Каржылоону заманбап жылытуу жана энергияны үнөмдөө системаларын сатып алууга жана орнотуу үчүн жумшоого болот.

 Программанын алкагында төмөнкү чечимдер жеткиликтүү:

• ар кандай конфигурациядагы жылуулук насостору;
• электр от казандары жана инфракызыл керамикалык жылыткычтар;
• жылытуу жана ысык суу менен камсыздоо үчүн күн жылуулук коллекторлору;
• күндүн фотоэлектрдик панелдери жана энергия топтоочу системалар;
• башка экологиялык таза жылытуу системалары.

 Программанын шарттары:

• каржылоонун суммасы - 10 000 сомдон 1 000 000 сомго чейин;
• каржылоо мөөнөтү - 3 айдан 60 айга чейин;
• валютасы - кыргыз сому;
• пайыздык чен - жылына 6%.

Программа Бишкек шаарындагы жана ага жакын жайгашкан райондордогу жеке үйлөрдүн жашоочуларына багытталган. Бул аймактарда абанын сапаты жана жылытуунун натыйжалуулугу өзгөчө актуалдуу маселелер болуп саналат.

"BAKAI адамдарды колдоого жана туруктуу келечекти түзүүгө багытталган ESG-демилгелерди ырааттуу өнүктүрүп келет. “Жылуу үй” программасы жашоочуларга жылытуу үчүн заманбап чечимдерди колдонууга, жашоо шарттарын ыңгайлуу кылууга жана ошол эле учурда абанын сапатын жакшыртууга өз салымын кошууга мүмкүнчүлүк берет", - деп белгилешти BAKAI Банктын өкүлдөрү.

Толугураак:https://bakai.kg/credits/green/warm-home/