Улуттук банк исламдык каржылоодо “кемүүчү мушарака” механизмин кеңейтти

Улуттук банк исламдык каржылоодо “кемүүчү мушарака” механизмин кеңейтти

Улуттук банк Башкармасы “Кыргыз Республикасынын Улуттук банкынын ислам банк иши жана каржылоо принциптери боюнча ченемдик укуктук актыларына өзгөртүүлөрдү киргизүү жөнүндө” токтомун кабыл алды. Анда ислам банк иши жана каржылоо принциптерине байланыштуу ченемдерге өзгөртүүлөр киргизилген.

Аталган токтомдо “шарика/мушарака” жана “кемүүчү мушарака” келишимдеринин шарттары такталган.

Өзгөртүүлөргө ылайык, “шарика/мушарака” келишими өнөктөштөр биргелешип сатып алган мүлккө да түзүлүшү мүмкүн. Ал эми “кемүүчү мушаракада” өнөктөштөрдүн бири экинчи өнөктөштүн мүлктөгү же өнөктөштүктөгү үлүшүн акырындык менен сатып алып, акырында анын толук ээси боло алат.

 Мындай келишимде төлөмдөрдүн өлчөмү, төлөө тартиби жана мөөнөтү так көрсөтүлүүгө тийиш. Келишим жазуу жүзүндө же санарип документ түрүндө түзүлөт. Мыйзамда каралган учурларда нотариалдык жактан күбөлөндүрүлүп, мамлекеттик каттоодон өткөрүлөт.

Документте мүлктү пайдалануу, камсыздандыруу жана тейлөө чыгымдары боюнча тараптардын жоопкерчилиги да белгиленди. Чыгымдар өнөктөштөрдүн мүлктөгү үлүшүнө жараша бөлүштүрүлөт.

Ошондой эле өнөктөш банктын же финансылык-кредиттик уюмдун мүлктөгү үлүшүн пайдаланганы үчүн ижара акысын төлөйт. Ал эми өнөктөш банктын же ФКУнун үлүшүн сатып алган сайын ижара акысынын өлчөмү пропорционалдуу азаят.

 Жаңы талаптар боюнча өнөктөш мүлктүн 20% же андан көп үлүшүн сатып алгандан кийин, тиешелүү үлүшкө менчик укугу ага өткөрүлүшү мүмкүн. Мүлк мыйзамдарга ылайык күрөө катары да колдонулушу мүмкүн.

 Өзгөртүүлөр Улуттук банктын 2026-жылдын 24-сентябрындагы токтому менен бекитилип, 2026-жылдын 13-декабрынан тартып күчүнө кирет. Алар коммерциялык банктарга, микрофинансылык уюмдарга жана кредиттик союздарга тиешелүү.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Банктар

Акыркы жаңылыктар

Баары

Кызыл-Кыядагы жылуулук ишкана кышкы сезонго даяр

Таласта мыйзамсыз реконструкциялоо иштери аныкталды

Акыркы он айда ИДПнын көлөмү 1 трлн 866 млрд сомго жетти

Электрондук тамекиге болгон чектөөнү узартуу сунушталууда

Чүйдө курулуш эрежелерин бузган 3 компанияга 635 миң сом айып салынды