Улуттук банктын өкүлдөрү Алматыдагы эл аралык форумга катышты
21-сентябрда Улуттук банктын өкүлдөрү Алматы шаарында өткөн "Борбордук Азияда микрокаржылоо келечеги" форумуна катышты. Бул тууралуу Улуттук банктан билдиришти.
Маалыматка ылайык, форум "Казакстандын микрофинансылык уюмдар ассоциациясы" тарабынан уюштурулган.
Иш-чаранын алкагында микрокаржылоо секторунун финансылык туруктуулугун камсыз кылуу, керектөөчүлөрдүн укуктарын коргоо механизмдерин өркүндөтүү, финансылык сабаттуулукту жогорулатуу, санарип микрокаржылоо кызматтарын өнүктүрүү жана аймакта кредиттик ресурстарды пайдаланууну арттыруу маселелери талкууланды.
Күндүн негизги жаңылыктары — Telegram каналыбызда
Каналга катталуу