Улуттук банк Ноокенде финансылык сабаттуулук боюнча семинар өткөрдү
30-сентябрда Улуттук банктын Жалал-Абад облустук башкармалыгынын кызматкерлери Ноокен районунда көчмө семинар уюштурушту. Бул тууралуу Улуттук банктын басма сөз кызматы билдирди.
Маалым болгондой, семинар социалдык жактан аялуу катмардагы жарандар - аз камсыз болгон үй-бүлөлөр, мигранттар жана ден соолугунун мүмкүнчүлүгү чектелген адамдар үчүн өткөрүлдү.
Иш-чарада адистер жеке каражатка жоопкерчиликтүү мамиле кылуу, алдамчылык схемалардан сактануу жолдору тууралуу маалымат беришти. Ошондой эле "дропперлик" эмне экени жана QR-код аркылуу накталай эмес төлөм жүргүзүү эрежелери түшүндүрүлдү.
