Депутаттар жараксыз абалдагы социалдык обьекттердин маселесин көтөрүштү

Депутаттар жараксыз абалдагы социалдык обьекттердин маселесин көтөрүштү

Жогорку Кеңештин "Ар кандай маселелер" саатында депутаттар социалдык-экономикалык маселелерди көтөрүштү. Бул тууралуу парламенттин маалымат кызматы билдирди.

Депутат Дастан Бекешев Бишкек шаарындагы көп кабаттуу үйлөрдүн эски лифттерин алмаштыруу маселесинде өкмөттүн жардамын сурады.

“Бишкекке жылына 5000 лифт керек экен. Ага шаардын бюджети жетишсиз, бул багытта өкмөт аз пайыздуу кредит берүү маселесин карап чыкса”,- деди ал.

Депутат Сүйүнбек Өмүрзаков Ош облусунун Кара-Кулжа-Алайкуу унаа жолундагы кышкы абалды көзөмөлдөөнү күчөтүүнү табыштады.  Ошол эле учурда эл өкүлү калктын ден соолугун сактоого көңүл буруп:

“Арам өлгөн малдын этин саткандарга каршы катуу чаралар көрүлүшү зарыл. Күнүнө тонналаган эт сатылса, алардын бир канчасы ооруп өлгөн малдын эти экен. Мунун кесепетинен ар түрдүү оорулар пайда болууда”, - деди депутат.

Жатак мектептерде билим алган окуучулардын тамак ашына каралган каражаттарды көбөйтүү маселесин айткан депутат Сеидбек Атамбаев:

“Министрлер кабинетинде бул багытта токтом даярдалып жатыптыр. Эгер ал ишке ашса, өлкөдөгү 458 миң башталгыч класстын окуучулары ысык тамак менен толук кандуу камсыз болмок”, - деди.

Депутат Чыңгыз Ажибаев Лейлек районундагы сугат жана таза суу жетпеген айылдардын маселесин көтөрдү. Мындан тышкары эл өкүлү региондо турак жай менен камсыздоо көйгөйлөрүн чечүүдө жерлерди трансформациялоо маселесин эртерек кароо жагдайын белгиледи.

Депутат Талайбек Масабиров Япониянын жардамы менен келген көчмө томографиялык аппараттардын жардамында Нарында бир катар айыл тургундары ден соолугуна кам көргөнүн айтып, бул үчүн колдоо көрсөткөн тарапка ыраазычылык билдирди. 

Депутат Надира Нарматова Жогорку Кеңештин депутаттары тарабынан берилген протоколдук тапшырмалардын аткарылышына көңүл буруп, айрымдары жоопсуз калып жатканын айтты. Ошондой эле ал Ноокат районунун аймагында авариялык абалдагы мектеп жана бала бакчаларды оңдоо талабын белгиледи.

Депутат Айбек Маткеримов  Сузак районунун Сузак айылындагы “Жомок” жана “Шумкар” балдар бакчасынын жамаатынын кайрылуусун жеткирди. Анда имараттары капиталдык оңдоого муктаждыгы айтылган.

Read more

«Альянс Алтын» май айында бюджетке рекорддук суммадагы салык төлөдү

«Альянс Алтын» май айында бюджетке рекорддук суммадагы салык төлөдү

2015-жылдан 2024-жылдын май айына чейин «Альянс Алтын» компаниясы Кыргызстандын бюджетине 18.6 млрд сом салык төлөдү. Алардын ичинен 2024-жылдын май айында 927.4 млн сом төлөнүп, бул акыркы үч жыл ичиндеги айларга салыштырмалуу эң чоң салык төлөмү болду. Мындан тышкары, 2021-жылдын апрелинен 2024-жылдын май айына чейин компания «Жергиликтүү маанидеги инфраструктураны

«Алтын тамга» артыкчылык аттестат ээлерине «Альянс Алтын» ноутбук тапшырды

«Алтын тамга» артыкчылык аттестат ээлерине «Альянс Алтын» ноутбук тапшырды

«Альянс Алтын», 30-майда президенттин Талас облусундагы ыйгарым укуктуу өкүлчүлүгүндө 2023-2024-окуу жылынын жыйынтыгы менен облус аймагында «Алтын тамга» артыкчылык аттестаттына ээ болгон окуучулар сыйлоо аземи болуп өттү. Бул тууралуу «Альянс Алтын» ишканасынын маалымат кызматы билдирди. Такталгандай, президенттин Талас облусундагы ыйгарым укуктуу өкүлү Нурлан Дарданов, «Альянс Алтын» өнүктүрүү фондунун жетекчиси Баатыр Качкынбаевдин

РКӨФ жана «Альянс Алтын» биргеликте Таластагы долбоорлорду каржылайт

РКӨФ жана «Альянс Алтын» биргеликте Таластагы долбоорлорду каржылайт

Россия-Кыргыз өнүгүү фонду «Альянс Алтын» компаниясы жана ушул эле аталыштагы өнүктүрүү фонду үч тараптуу кызматташуу келишимин түзүштү. Келишим энергиянын кайра жаралуучу булактары, айыл чарба продукциясын кайра иштетүү жана башка негизги багыттарда биргелешип иштөөгө багытталган. Бул кызматташтыктын алкагында РКӨФ жана «Альянс Алтын» өнүгүү фонду Талас облусунда тиешелүү долбоорлорду тандап, экспертизадан өткөрүп,

Шылуундарды  кантип таануу боюнча Улуттук банктын кеңештери

Шылуундарды кантип таануу боюнча Улуттук банктын кеңештери

Акыркы убакта Кыргызстанда банк тармагында алдамчылык фактылары көп катталууда. Кыргызстандыктар социалдык тармактарда, телефон аркылуу же мессенджер аркылуу алданууда. Алдамчылыктын курмандыктары акчасы уурдалгандан кийин гана билишет. Улуттук банктын керектөөчүлөрдүн укугун коргоо бөлүмү Economist.kgге каржы тармагындагы алдамчылыктын түрлөрү тууралуу айтып берди, бул жарандардын сергек болушуна жардам берет. Банк тармагында алдамчылыктын кандай