Бийлик

Жогорку Кеңеш 30 млн долларлык "Бирдиктүү саламаттык" долбоорун ратификациялады

Айгерим Качкынбекова

05 мар. 2026 12:48

Бүгүн Жогорку Кеңештин жыйынында бир катар мыйзам долбоорлору үчүнчү окууда кабыл алынды. Бул тууралуу парламенттин басма сөз кызматы билдирди.

Жыйында "Бирдиктүү саламаттык" программасынын алкагында Кыргыз Республикасы үчүн 1-фаза долбоорун каржылоо жөнүндө макулдашууну жана гранттык макулдашууну ратификациялоо тууралуу мыйзам долбоору колдоо тапты. Демилгечи – Министрлер Кабинетинин Төрагасы.

Мыйзам долбоору боюнча маалыматты Жогорку Кеңештин Эл аралык иштер, коргоо, коопсуздук жана миграция боюнча комитетинин төрайымы Эльвира Сурабалдиева тааныштырды.

Ага ылайык, долбоор пандемиялык коркунучтарга каршы туруктуулукту күчөтүүгө, саламаттык сактоо, ветеринария жана экология тармактарын өнүктүрүүгө, ошондой эле азык-түлүк тутумунун туруктуулугун жана биоартүрдүүлүктү сактоого багытталган.

Макулдашууга ылайык, долбоорду ишке ашырууга 30 млн АКШ доллары өлчөмүндө насыя жана 1,79 млн доллар грант каралган. Насыялык каражаттар 50 жылдык мөөнөткө, 10 жылдык жеңилдетилген мезгил менен жана үстөк пайызсыз берилет.

Ошондой эле жыйында Дүйнөлүк соода уюмун түзүү жөнүндө Марракеш макулдашуусуна өзгөртүүлөрдү киргизүү тууралуу протоколду ратификациялоо жөнүндө мыйзам долбоору да үчүнчү окууда кабыл алынды. Бул документ балык уулоо жаатындагы субсидиялар боюнча макулдашуунун күчүнө кириши үчүнмамлекет ичиндеги жол-жоболорду аткаруу максатында иштелип чыккан.

Мындан тышкары окуңуз

Бишкектеги ЖЭБ жана жылуулук тармактары салыктардан бошотулат

Министрлер кабинети 2022-жылдын 30-апрелиндеги №236 токтомуна өзгөртүүлөрдү киргизди. Бул документ Салык кодексинин жана ЕАЭБ келишимдеринин нормаларын колдонуу тартибин жөнгө салат. Документке ылайык, киреше салыгынан жана кошумча нарк салыгынан (КНС) бошотулган уюмдардын тизмесине эки муниципалдык ишкана — Бишкек ЖЭБи жана "Бишкек жылуулук тармактары" киргизилди. Мындан тышкары, токтомдун текстинде "коммуналдык&

Улуттук банктын активдеринин жалпы көлөмү 896,9 млрд сомго жетти

Улуттук банк 2026-жылдын 31-мартына карата финансылык абалы тууралуу отчетун жарыялады. Документке ылайык, жөнгө салуучунун активдеринин жалпы көлөмү 896,9 млрд сомду түзүп, 2025-жылга салыштырмалуу кыйла өстү. Активдердин негизги бөлүгүн мурдагыдай эле монетардык алтын түзөт — 608,8 млрд сомдон ашык (бир жыл мурун 292,4 млрд сом болгон). Кассадагы, банктардагы жана

Бишкектеги парктарда мыйзамсыз соода кылгандарга айып пул салынды

Бишкек шаардык мериясынын Муниципиалдык инспекциясы баш калаадагы парктарда мыйзамсыз соода кылгандарга карата чара көрдү. Бул тууралуу аталган инспекциянын башчысы Мирлан Таалайбеков билдирди. Маалыматка таянсак, Муниципиалдык инспекция тарабынан мыйзамсыз бамуздак саткандарга айып пул салынды. Анда инспекция көчөдө талаптарга ылайык келбеген балмуздак саткандарды текшерип, аларга айып пул салган. “Кээ бир жарандар Бишкектеги

Жалпы республикалык тестке 61 412 адам катталды

2026-жылдагы жалпы республикалык тестирлөөгө 61 412 адам катталды. Бул тууралуу Билим берүү министрлигенен билдиришти. Алардын ичнен: 35 535 – Кыргыз тили тестине катталган; 28 993 – орус тилинде текстке катталган; Маалыматтарын тапшырбагандардын саны - 3 104; Толук эмес толтурулган билдирмелердин саны - 675; Жалпы республикалык тестке каттоо 17-февралдан 2-апрелге чейин жүргүзүлгөн.