“Манас Ордо” комплексин реконструкциялоого 1,3 млрд сом бөлүндү
Министрлер Кабинетинин Төрагасы Адылбек Касымалиев Талас облусуна болгон иш сапарынын алкагында Кыргыз Улуттук “Манас Ордо” комплексине барып, реконструкциялоо иштеринин жүрүшү менен таанышты. Бул тууралуу Өкмөттүн басма сөз кызматынан билдиришти.
Маалыматка ылайык, жалпы суммасы 1 млрд 300 млн сомду түзгөн реконструкциядан кийин комплекс күнүнө 10 миңге чейин адамды кабыл алуу мүмкүнчүлүгүнө ээ болот. Курулуш иштерин ушул жылдын июль айына чейин аяктоо пландалууда.
Ошондой эле иш сапардын жүрүшүндө МинКаб башчысы Талас облустук юстиция башкармалыгынын административдик имараты — “Юстиция үйүнүн” жаңы имаратын ачты. Республикалык бюджеттин эсебинен курулган имарат заманбап шарттар менен камсыздалып, пайдаланууга берилди.
