Дүйнөдөгү жүргүнчүлөр жүктөмү көп аэропорттор кайсылар?
Эксперттер 2025-жылдын жыйынтыгы боюнча дүйнөдөгү жүктөмү көп эң аэропорттордун рейтингин жарыялашканын Kazinform кабарлады.
Биринчи орунду Хартсфилд–Жексон Атланта эл аралык аэропорту ээледи. Бул аэропорт аркылуу жыл ичинде 106 миллиондон ашык жүргүнчү өткөн.
Экинчи орунда Дубай эл аралык аэропорту, үчүнчү орунда Токио Ханэда аэропорту болду. Алдыңкы бештикке ошондой эле Даллас/Форт-Уэрт эл аралык аэропорту жана Шанхай Пудун эл аралык аэропорту кирди.
Рейтинг учуп келген жана учуп кеткен жүргүнчүлөрдүн жалпы саны боюнча түзүлгөн. Ал эми транзиттик жүргүнчүлөр бир жолу гана эсепке алынган.
Дүйнөдөгү жүктөмү эң көп 10 аэропорттун ичинде Европанын Лондон Хитроу (7-орун) жана Стамбул аэропорту (8-орун) бар.
Ал эми эл аралык каттамдар боюнча рейтингде Европа аэропорттору көбүрөөк орун алган. Бул тизмеде лидерликти Дубай аэропорту сактап, 95 миллиондон ашык жүргүнчүнү тейлеген. Андан кийин Хитроу жана Инчхон эл аралык аэропорту жайгашкан.
Ошондой эле алдыңкы ондукка Чанги, Амстердам Схипхол, Стамбул, Париж жана Франкфурт аэропорттору кирген.
