ММБМА Кыргызстанда баалоосу токтотулган, менчиктештирүүгө жаткан 6 объектти атады
Мамлекеттик мүлктү башкаруу боюнча мамлекеттик агенттиктин директорунун орун басары Динара Эркинбаева 2026-жылдын 21-апрелинде Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында баалоосу токтотулган, бирок менчиктештирүүгө тийиш болгон 6 объект бар экенин билдирди.
Анын айтымында, мындай объекттерге төмөнкүлөр кирет:
- "Гарантиялык фонддун" 8,7% акциясы;
- "Пирамида" медиахолдингинин 100% акциясы;
- "5-каналдын" 100% акциясы;
- "Бакай Банктын" 1%дан ашык акциясы жана башкалар.
Депутат Исманали Жороев жоюлган криминалдык авторитет Камчы Кольбаевдин үйү бала бакчага өткөрүлүп берилгенин, ал эми калган мүлкү аукционго коюлганын эске салды.
Ал бул объекттердин мындан аркы тагдырына кызыкты.
Динара Эркинбаева белгилегендей, 2021-жылдан бери укук коргоо органдары, анын ичинде УКМК тарабынан мамлекеттин балансына 1488 объект ыктыярдуу түрдө өткөрүлүп берилген.
Жыйындын жүрүшүндө Министрлер кабинетинин төрагасы демилгелеген "Кыргыз Республикасында мамлекеттик менчикти менчиктештирүү жөнүндө" мыйзамга өзгөртүүлөрдү киргизүү тууралуу мыйзам долбоору (№ 6-1921/26, 07.04.2026-ж.) биринчи окууда каралды.
