Аламүдүн районунун инфраструктурасын өнүктүрүүгө 2 млрд сомго жакын каражат керек

Мамлекет башчысы Садыр Жапаров Аламүдүн районунун социалдык-экономикалык өнүгүүсү менен таанышты. Бул тууралуу президенттик администрация кабарлады.

Маалымдалгандай, Аламүдүн районундагы биринчи кезектеги инфраструктуралык муктаждыктарды ишке ашыруу үчүн болжол менен 2 млрд сом талап кылынары айтылды.

Алардын катарында:

• жергиликтүү маанидеги 35 чакырым жолду асфальттоо;
• Октябрь жана Васильев айылдарында маданият үйлөрүн куруу;
• Ленин, Арашан жана С. Чокморов айылдарындагы маданият үйлөрүн капиталдык оңдоодон өткөрүү;
• Кара-Жыгач, Мраморное, Гроздь, Виноградное жана Октябрь айылдарында тазалоочу курулмаларды жана канализациялык тармактарды куруу;
• эки көпүрө куруу;
• Кара-Жыгач айылында спорт залын куруу маселелери бар.

Аталган долбоорлорду ишке ашыруу райондогу жол, суу чыгаруу, маданият жана спорт инфраструктурасын жакшыртууга багытталган.