Быйыл Кыргызстанда электр энергиясынын тартыштыгы 4 млрд кВт/саатты түзөт
Кыргызстанда 2026-жылы электр энергиясынын тартыштыгы болжол менен 4 млрд кВт⋅саат болорун Жогорку Кеңештин тиешелүү комитет жыйынында энергетика министринин биринчи орун басары Өмүрбек Жеңишбеков билдирди.
Анын айтымында, 2026-жылы өлкө боюнча электр энергиясын керектөө 19,6 млрд кВт⋅саат деңгээлинде күтүлүүдө. Ошол эле учурда ички булактар аркылуу 15,7 млрд кВт⋅саат гана камсыз кылынат.
Калган көлөм, болжол менен 4 млрд кВт⋅саат тартыштыкты түзөт. Бул жетишпеген энергия коңшу өлкөлөрдөн импорттоо аркылуу жабылат. Бул багытта тиешелүү келишимдер түзүлгөн.
Маалымат катары, депутаттар учурда министрлер кабинетинин 2025–2026-жылдардагы күз-кыш мезгилинен өтүүнүн жыйынтыгы жана кийинки жылытуу сезонуна даярдык пландары боюнча отчетун угушууда.
