Bloomberg Brent мунайынын баррели 160 долларга көтөрүлүшү мүмкүнбү?
Мунай баалары боюнча божомолдор Ормуз кысыгы канча убакытка чейин кемелер үчүн жабык болоруна абдан көз каранды, деп жазат Bloomberg NEF.
"Мисалы, эгер ал май айынын башында ачылса, Brent мунайынын баасы баррелине 100 доллар чамасында кармалат. Ал эми ачылышы эки айга — июлдун башына чейин — жылдырылса, баа 160 долар деңгээлине чейин көтөрүлүү коркунучу бар",- деп эскертишет компаниянын аналитиктери.
Алардын учурдагы негизги божомолу боюнча, Ормуз кысыгы июль эмес, май айынын башында эле кайра ачылат. Мындай оптимизмге карабастан, Bloomberg NEF 2026-жылы дүйнөлүк мунай рыногундагы ашыкча сунуш боюнча божомолун кескин төмөндөттү — мурдагы күнүнө 2,23 млн баррелдин ордуна күнүнө 0,96 млн баррель.
"Мунай баасынын өсүү коркунучуна карабастан, биздин негизги сценарий АКШ менен Ирандын ортосундагы сүйлөшүүлөр уланып, 2026-жылы Brent мунайынын орточо баасы баррелине 74 долар деңгээлинде болот деп болжолдойт", — деп жыйынтыкташат BloombergNEF эксперттери.
