Энергетика

Кытай компаниясы күн, шамал электр станцияларына 1 млрд доллар салууга кызыкдар

Мелис Совет уулу

Кытай компаниясы күн, шамал электр станцияларына 1 млрд доллар салууга кызыкдар

Инвестициялар боюнча улуттук агенттиктин башчысы Равшанбек Сабиров China Energy Engineering Investment компаниясынын делегациясы менен жолукту.

Агенттиктен билдиришкендей, жолугушууда тараптар кайра жаралуучу энергия булактары жаатындагы кызматташтык жана Кыргызстанда инвестициялык долбоорлорду ишке ашыруу маселелерин талкуулашты. Ошондой эле өлкөнүн инвестициялык климаты жана мамлекеттик колдоонун учурдагы чаралары тууралуу маалыматтар берилди.

"Кыргызстан кайра жаралуучу энергияны өнүктүрүүнү артыкчылыктуу багыттардын бири катары карайт. Биз эл аралык өнөктөштөр менен кызматташууга ачыкпыз жана инвестициялык долбоорлорду ишке ашыруунун бардык этаптарында колдоо көрсөтүүгө даярбыз", - деди Сабиров.

Кытай тарап жалпы кубаттуулугу 700 МВтка чейин болгон күн жана шамал электр станцияларын курууга 1 млрд долларга чейин инвестиция салууга кызыкдар экенин билдирди (500 МВт - күн, 200 МВт - шамал).

Жолугушуунун жыйынтыгында тараптар диалогду улантууга, кызматташуунун конкреттүү багыттарын биргелешип иштеп чыгууга жана инвестициялык демилгелерди практикалык деңгээлде кароого даяр экендиктерин билдиришти.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”