"Билимдин муз жаргычы" экспедициясына катышууну каалагандар арасында эл аралык сынакка Кыргызстандан рекорддук сандагы арыздар келип түштү
"Жеңишке 50 жыл" атомдук муз жаргыч менен Түндүк уюлга экспедицияга катышууга баруучу Кыргызстандык мектеп окуучуларды тандоонун сынагы уланып жатат. Викторинаны ийгиликтүү аяктап, каттоого алынган катышуучулар учурда тандоонун экинчи этабын аткарып башташты.
“Росатом” мамлекеттик корпорациясынын VII эл аралык “Билимдин муз жаргычы” илимий-агартуу долбооруна сынактык тандоонун алгачкы эки жумасында - Армения, Бангладеш, Беларусь, Боливия, Бразилия, Венгрия, Вьетнам, Египет, Индия, Индонезия, Казакстан, Кытай, Кыргызстан, Монголия, Мьянма, Намибия, Руанда, Сербия, Танзания, Түркия, Өзбекстан жана Түштүк Африкадан 1400дөн ашык катышуучу катталды. Бул жолку катышуучулардын саны мурунку сезондордон бир кыйла көп болуп, долбоорго болгон кызыгуунун өсүп жатканын тастыктады. Балдар Арктика боюнча билимдерин көрсөтүүгө жетишип, экинчи этапка өтүштү: эми аларды “Росатомдун” келечектүү чечимдери боюнча вебинарлар сериясы күтүп жатат, андан кийин алар өткөн материалдардын негизинде суроолорго жооп беришет.
"Биринчи этап катышуучулардын жогорку мотивациясын жана билиминин тереңдигин көрсөттү. Долбоордун географиясы кеңейип, “Росатомдун” технологияларына кызыгуу өсүп жатканына кубанычтабыз. Эми балдарды күчөтүлгөн билим берүү программасы - алдыңкы эксперттердин вебинарлары күтүп жатат" - деп, белгиледи “Росатом эл аралык тармагынын” коммуникациялар боюнча башкы директорунун орун басары Александра Юстус.
Чет өлкөлүк катышуучуларды тандоо конкурсу goarctic.energy сайтында өтүп жатат. Тандоо процессинин биринчи жана экинчи этаптарына 3-июнга чейин катышууга болот. Анын жыйынтыгынын негизинде, ар бир өлкөдөн эң жогорку упай алган ТОП-10 жеңүүчү аныкталат. Дал ошолор үчүнчү жана акыркы этапка өтүшөт да, видео презентация түрүндө финалдык тапшырма боюнча өз идеяларын сунушташат. Мыктылардын мыктылары гана 2026-жылдын августунда, Түндүк уюлга легендарлуу арктикалык экспедицияга кошулушат.
МААЛЫМАТ ҮЧҮН:
Түндүк деңиз жолу (ТДЖ) - бул батыш Евразия менен Азия-Тынч океан аймагынын ортосундагы эң кыска кеме жолу жана Россиянын тарыхый жактан калыптанган улуттук транспорттук артериясы болуп саналат. Россиянын Түндүк деңиз жолун өздөштүрүү тарыхы 500 жылдан ашык убакытты камтыйт жана 1525-жылга таандык. Ошондо орус дипломаты Дмитрий Герасимов Түндүк Муз океанынын деңиздери аркылуу кеме каттамын колдонуу идеясын сунуштаган.
2018-жылы РФ өкмөтү “Росатомго” Түндүк деңиз жолу инфраструктуралык оператору болууга ыйгарым укук берген. Корпорация "Түндүк деңиз жолун өнүктүрүү" федералдык долбоорун көзөмөлдөйт жана ошондой эле Россия өкмөтүнүн токтому менен бекитилген Түндүк деңиз жолун 2035-жылга чейин өнүктүрүү планын жана Россия Федерациясынын 2030-жылга чейин социалдык-экономикалык өнүгүүсү үчүн “Жыл бою иштөөчү Түндүк деңиз жолу” демилгесин ишке ашырууга катышат.
Россия - дүйнөдөгү атомдук муз жаргыч кемелеринин флотуна ээ болгон жападан жалгыз өлкө. Флоттун оператору болуп «Росатом» мамлекеттик корпорациясынын ишканасы – «Атомфлот» федералдык мамлекеттик унитардык ишканасы саналат. Бүгүнкү күндө «Атомфлоттун» муз жаргыч флотунун курамында сегиз атомдук муз жаргыч бар.
"Росатом" жана анын ишканалары илимий-агартуу жана маданий демилгелерди колдоого жана өнүктүрүүгө өзгөчө көңүл бурууда. Алар россиянын жогорку окуу жайларында адистештирилген кафедраларды түзүүгө, стипендиялык программаларды, ири билим берүү долбоорлорун ишке ашырууга жана студенттер үчүн такшалуудан өтүүгө жана кийин жумушка орношуусуна шарт түзүүгө катышышат.
