АӨБ геосаясий кризиске байланыштуу Кыргызстанга 50 млн доллар жардам берет

Бүгүн, 30-ноябрда, Жогорку Кеңештин жалпы жыйынында депутаттар Азия өнүктүрүү банкынын (АӨБ) 50 млн доллардык бюджеттик колдоо көрсөтүүсүн биринчи окууда ратификациялашты.

Финансы министринин орун басары Руслан Татиков КР менен АӨБ ортосундагы «Антициклдик активдүү чыгымдар аркылуу туруктуулукту жогорулатуу (BRACE)» келишими боюнча маалымат берди.

Анын айтымында, программа дүйнөдөгү геосаясий туруксуздук менен байланышкан жаңы кризис калктын, өзгөчө калктын аялуу катмарынын кирешелерине, экономикалык мүмкүнчүлүктөргө жана макроэкономикалык туруктуулукка тийгизген терс таасирине каршы өз убагында чараларды көрүүгө багытталган.

Бул программаны ишке ашыруу үчүн АӨБ бюджетти колдоп 50 млн доллар өлчөмүндө каржылык жардам көрсөтөт, анын 25 млн доллары грант жана 25 млн доллары кредит. Бул каражаттар республикалык бюджетти колдоого багытталган.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Гранттар жана кредиттер

Акыркы жаңылыктар

Баары

Ысык-Көлдө 100гө жакын кызматкер суу тарифтери боюнча талкууга катышты

Куткаруучулар 10 айда 428 адамды өлүмдөн сактап калышты

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү