Насыя алгандардын саны 12,4%га көбөйдү
Кыргызстандын банк тармагында жыл башынан бери негизги финансылык көрсөткүчтөр өсүп жатат. Улуттук банктын маалыматына ылайык, 30-апрелге карата өлкөдө 24 коммерциялык банк жана алардын 306 филиалы иш алып барууда.
Маалыматка ылайык, акыркы төрт айда банктардын жалпы активдери 28,6% көбөйүп, 1 триллион 558 миллиард сомго жеткен. Ошондой эле кардарларга берилген насыялардын көлөмү 12,4 % өсүп, 569,8 миллиард сомду түзгөн.
Мындан тышкары, банктардагы депозиттердин көлөмү да 6,7% жогорулап, 924,1 миллиард сомго жетти.
