Ат-Башы райондук аскер комиссариатынын жаңы имараты курулуп баштады

Коргоо министрлигинин башчысы, коргоо министри Руслан Мукамбетов бүгүн Нарын облусундагы Ат-Башы райондук аскер комиссариатынын жаңы имаратынын курулушуна капсула салды.

Министрликтин басма сөз кызматы билдиргендей, иш-чарага Ат-Башы районунун акиминин биринчи орун басары Максат Кадыркулов, аскер комиссариатынын өздүк курамы, Куралдуу күчтөрдүн ардагерлери жана курулуш уюмунун өкүлдөрү катышты.

Жаңы имарат эки кабаттуу болуп, бардык зарыл шарттар менен камсыздалат. Объектти 2026-жылдын IV кварталында пайдаланууга берүү пландалууда.

Буга чейин Сокулук району жана Ак-Талаа районунда да аскер комиссариаттарынын имараттарын куруу иштери башталган.

Министрликтин маалыматына ылайык, Ат-Башы райондук аскер комиссариатынын эски имараты 1972-жылы курулган.