"Түндүк" аркылуу медициналык кызматтарды пайдалангандардын саны 3 млнго чукулдады

Бүгүнкү күндө дээрлик 2,94 миллион адам “Түндүк” тиркемеси аркылуу санариптик медициналык кызматтарды колдонуп, дарыгерге онлайн жазылып, анализдеринин жыйынтыктарын алып жатат. Бул тууралуу Саламаттык сактоо министрлигинен билдиришти.

Маалыматка ылайык, телемедицина алыскы аймактардагы балдарды адистер менен байланыштырып, санариптик чечимдер энелердин саламаттыгы, эмдөө жана майыптыгы бар адамдар үчүн кызматтарды жакшыртууда.

БУУнун Кыргызстандагы Туруктуу координатору Антье Граве белгилегендей, санариптик технологиялар ар бир адам жашаган жерине карабастан сапаттуу медициналык жардамга жетүүсүн камсыз кылууга багытталышы керек.