Кыргызстандын аянты 15,5 миң гектарга кеңейди
Кошуналар менен чек араны тактоодон кийин 15 миң 572 гектарга кеңейип, бүгүнкү күндө Кыргызстандын аянты 20 млн 9 миң 572 гектарды түзөт. Анын 94,4 % тоолуу аймактар. Бул тууралуу президент өзүнүн Фейсбуктагы баракчасына жазды.
Маалыматка ылайык, жалпы 6 млн 732 миң гектар айыл чарба жери бар. Анын 1 млн 82 миң гектарын эл жеке менчикте айыл чарба багытында пайдаланат.
Жалпы республика боюнча ар кандай багыттагы 18 млн 698 миң гектар жер мамлекеттик жана муниципалдык менчикте турат.
Инвестициялык долбоорлор үчүн 1992-жылдан берки мыйзамдын алкагында пайдаланууга берилген жерлердин жалпы аянты өлкө аймагынын 0,1%нан ашпайт.
