Кыргызстанга Жан-Клод Ван Дамм келери күтүлүүдө

Голливуд актёру Жан-Клод Ван Дамм Ысык-Көлдө өтө турган суудагы Формула-1 боюнча дүйнө чемпионатынын этабына келери күтүлүүдө. Бул тууралуу уюштуруучулар билдирди.

Кыргызстандын суу-мотор спорт федерациясынын президенти Айбек Абылкасымовдун айтымында, уюштуруучулар учурда белгилүү актёрдун келишин күтүп жатышат. 

Ошондой эле келечектеги мелдештерге башка дүйнөлүк жылдыздарды, анын ичинде Криштиану Роналдуну чакыруу пландалууда.

F1H2O боюнча дүйнө чемпионатынын Ысык-Көлдөгү этабы 31-июлдан 2-августка чейин өтөт.