Транспорт

Балыкчы – Кочкор темир жолунун курулушу аяктоо алдында

Айгерим Качкынбекова

16 июля 2026 12:49

Балыкчы–Кочкор темир жолунун курулушунда акыркы бүтүрүү иштери жүрүп жатат. Учурда жолдун туруктуулугун камсыздоо үчүн алгачкы жолу заманбап ВПО-С үлгүсүндөгү атайын техника колдонулууда. Бул тууралуу "Кыргыз темир жолу" мамлекеттик ишканасынан билдиришти.

Маалыматка ылайык, поезддердин кыймылынын коопсуздугун жана темир жолдун сапатын жогорулатуу максатында Балыкчы–Кочкор тилкесинде жолду түздөө, шпалдарды таптоо жана акыркы бүтүрүү иштери жүргүзүлүүдө.

Бул иштерде биринчи жолу ВПО-С үлгүсүндөгү заманбап атайын техника колдонулуп жатат. Ал техника "Казакстан темир жолу" акционердик коому тарабынан убактылуу пайдаланууга берилген.

Компания белгилегендей, аталган машина темир жолду түздөө, шпалдарды таптоо жана жолдун туруктуулугун камсыздоо боюнча иштерди так жана сапаттуу аткарууга мүмкүндүк берет. Натыйжада темир жолдун геометриялык тактыгы жогорулап, келечекте поезддердин коопсуз жүрүшү камсыздалат. Ошондой эле курулуш иштеринин сапаты менен аткаруу ылдамдыгы да жогорулайт.

Белгиленгендей, Балыкчы–Кочкор жаңы темир жолунун жалпы узундугу 63,4 чакырымды түзөт. Учурда темир жол тилкесинин курулушу жана Кочкор станциясындагы эки кабаттуу имараттын курулушу соңку баскычта жүрүп жатат.

Мындан тышкары окуңуз

Кызыл-Кыяда курулуш талаптарын бузган жеке ишкерге чара көрүлдү

Баткен облусунун Кызыл-Кыя шаарында жеке менчик жер тилкесинде салынып жаткан эки кабаттуу соода борборунун курулушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинин басма сөз кызматы билдирди. Маалыматка ылайык, Кулатов көчөсүндө жайгашкан объекттеги иштер тиешелүү уруксат берүүчү жана долбоордук документтер таризделбестен жүргүзүлгөн. Жер казууда

Тоголок Молдо көчөсүнүн бир бөлүгү унаа кыймылы үчүн жабылат

Бишкекте 11-августта Тоголок Молдо көчөсүнүн Фрунзе көчөсүнөн Абдымомунов көчөсүнө чейинки бөлүгү унаа кыймылы үчүн убактылуу жабылат. Калаа мэриясынын билдиришкендей, аталган тилкеде бул убакта курулуш иштери жүргүзүлөт. Ал эми Фрунзе жана Панфилов көчөлөрүнүн кесилиши кайрадан унаалар үчүн ачылат. Мэрия айдоочуларды жол кыймылындагы убактылуу өзгөрүүлөрдү эске алып, жол белгилеринин талаптарын так

Ошто 13,5 млн еврого эне-балага арналган медициналык борбор курулуп жатат

Ош шаарында эне-бала саламаттыгын коргоого багытталган Перинаталдык борбордун курулушу башталды. Бул тууралуу Саламаттык сактоо министрлигинин басма сөз кызматы билдирди. Маалыматка ылайык, долбоор Германиянын өнүктүрүү банкынын (KfW) 13,5 млн евро өлчөмүндөгү гранттык каражатынын эсебинен ишке ашырылууда. Аталган борбор 249 орунга ылайыкталып, кош бойлуу аялдарга, төрөттөн кийинки энелерге жана ымыркайларга

Валюталардын бүгүнкү курсу: юань өстү, доллар өзгөргөн жок

Улуттук банк 8-августка карата валюталардын расмий курсун жарыялады. Ага ылайык, доллардын курсу өзгөрүүсүз, тагыраагы 87,4500 сом бойдон калды. Евро 100,9435 сомдон 100,7730 сомго түшүп, 0,17%га төмөндөдү. Ал эми рублдин курсу 1,0652 сом деп белгиленип, 1,36%га түштү. Теңге болсо 0,1871 сомдон